Home
 
Anghelu Maria Soddu: Su calendariu sardu - parte 3a PDF Stampa E-mail
Valutazione attuale: / 11
ScarsoOttimo 
Giovedì 06 Agosto 2009 13:37

Col “Segundu cantigu”, proseguiamo la pubblicazione del poema in limba “Su calendariu sardu”, del poeta chiaramontese Anghelu Maria Soddu (1879-1968).
Nelle ventitrè ottave che seguono, l’autore rivive i giorni più tristi di quella che è stata l’azione della gloriosa Brigata Sassari, della quale il Soddu faceva parte. Zona d’operazioni il Veneto, dove i “Sassarini” hanno strappato alle “preponderanti forze austriache” il terreno palmo a palmo. Fra disperazione e speranza, con la morte sempre in agguato; ma sostenuti dalla volontà ferrea di non mollare.


E qui gli tornano alla mente luoghi che ritroviamo sui libri di storia: il Carso, i Razzi, le Frasche, Monte Zebio, Monte Fiori, la Bainsizza, il Piave, Caporetto...
Siti che, ancora oggi, sono disseminati di croci. A ricordare nomi di giovani sardi, e non solo, che lassù hanno concluso la loro breve esistenza. E, badate bene, senza che nessuno (ma proprio nessuno) si sia azzardato a fargli un esame preventivo per accertare se conoscevano il dialetto e le tradizioni della terra che difendevano.

Meditate, leghisti poco avveduti. Meditate! (c.p.)



SEGUNDU CANTIGU

1. A s'arrivu a Colmos in viaggiu
frimmat su trenu e de s'ora m'impreo
a cuntemplare in attaccos aerèos
ch'an fattu subr'a Colmos tant'ostraggiu
e oe medicante su disaggiu
su passadu e presente idende leo,  
su presente e passadu totu assomo
in viaggiu in retiru andend'a domo.

2. S'amargura mudada tota in mele
in sa zona de su Carso, ite grandesa!
inue sa Brigata Sassaresa    
tant'e tantu hat cumbattidu crudele
inue disputadu si es' su fele,       
superende sa barbara pretesa,
inue sos eroes chi memoro                  
han versadu su samben de su coro.

Sos eroes

3. Sos eroes de sa patria amante
Affrontan' disastrosa artiglieria,        
mitragliatrices e fucileria
e bombardas de gas asfissiante,
sos eroes cun animu bastante
resolutos d'idea in simitria
o avanti o a morrer in su Cas(r)su
ma franc'a retrozeder unu passu.

4. Un'annu de martiriu passadu
ai Razzi, a le Frasche superende,
su nemigu ostinadu minettende
chi cheriat su sardu catturadu,
su sardu risolutu e impignadu     
mortu sì, ma biu non si rende(t)      
e oe cussu es' logu triunfale   
eternu monumentu memorale.  

5. Un'annu su martiriu suffrende
istrappende pramu a pramu su terrinu,
a s'annu su tradimentu in su Trentinu
ha' fattu s'italianu ritirende,   
e s'impignat Cadorna cumandende
ponner sas truppas sardas in caminu
e b'impignat sa sarda arma Reale
e paralizzat sa forza Imperiale.

6. Rinnovat su martiriu e flagellu
a Monte Zebbiu e a Monte Fiori,
si fit che a giogare a su duellu
sutta s'ispada sarda ognunu mori(t),
beru ch'isse si ponet in masellu
ma s'inimigu a meritu favori(t)
e-i su sardu s'iscaglia attendibile
e fazile si rendet s'impossibile.

7. Su terz'annu a sa presa de Ainsizza
s'Imperu si rinforzata respinghet
e Cadorna sos sardos che custringhet
a postos d'ungheresos, zente ardizza,     
ca su sardu si avventat daghi abbizza(t)
de su fele sos poddighes si linghet.
Viva sa mazzonera de Sardigna ,
sa chi  sos groddes tenet de disdigna.

8. Non potende sos sardos atterrare  
s'inimigu prenetrat massimosu,         
faghet unu trobogliu cangrenosu     
chi non si podiat mai immaginare,     
sa brigata la faghen' impostare
a logu tesu, a Pudriu, a reposu               
chi mai sa brigata fid istada
da-e linea gai allontanada.

9. Appenas chimbe dies fid in pasu
sa famosa brigata sassaresa,           
e a sas chimbe dies s'est intesa             
sa 'oghe chi a Caporetto han' invasu,        
sos sardos isettende prontu occasu
a partire a inie cun prontesa,
e benit sa brigata rinviada          
a protegger una trista ritirada.    

10. Ispaventu faghiat e furore
sa tale funzione appende 'idu,
dimustrat dogni eroe invaloridu
de prodigios, de lodes, de onores,
sos capitanos e superiores
han' d'ogni porta-ordine ispedidu,
senz'aer de cumandu perunu usu
chi  fi' totu s'esercitu confusu.

11. Si sa brigata haiat libertade
in s'ora 'e triunfare in bella vasa,
vindichende s'insultu in tale basa
su velenu faghiad affogare,
non podiat sa zente tollerare
s'ostraggiu tristu oe e peus crasa.
Fit menzus risicare cussa morte
pro non suffrire cussa trista sorte.

12. Sos tales violabiles decreto(s)
sos chi mancu morzende azzettaiant,
si fingit chi resister non podiant
chi fin debile 'e forza in sos difetto(s),
ma a parare sa forza in Capporetto(s)
duas solas mitraglias bastaian
da ghi fi' forza de Divisiones
ma ch'esseren' istadas sas legiones.

13. Una crisi affannosa de angustia,
chi hat cummissu zerta zente fea,
a render sa cunsigna cussa, e rea
solu de falzidade e ingannia,
si pro timire lu faghes es' mania
chi fues a che morrer in cadrea,
disgradadu e bendadu dispostu   
comente totu cuddos chi hana mostu.

14. Inter me mi congegno forte frenu
pro esser valorosu e dilicadu,        .
si lasso bene e male misculadu
sun' totu meighinas de velenu
si reduo s'amargura a un'istremu
rinchiusu rispetta siggilladu
ed est zertu efficace meighina,
che giustizia armada in disciprina.

15. Sa disciprina es' moneda a pagare
a cuddos chi cummittin su delittu,
senza dolore e liberu merìttu
comente si lu solen' causare,       
si non peus s'imponen' a usare
de rancores, affannos de cunflittu ;
disciprina es' meigu de sa vida
nde 'ogat s' ispina e sanat sa ferida.

16. Su Venetu in cuss'ora in movimentos
da-e sa gherra postu in oriolu,
abbandonan' sos nidos de cunsolu
e partin a sos duros patimentos,
sos inimigos in divertimentos
mandendelu s'anzenu totu in bolu,
e a sos rimanentes de piusu     
fattende tant'ostraggios, tant'abusu.

17. Daghì si corrumpesit dogni brama   
de sos farzos errores sos manizos.
Sos babbos no ischian' de sos fizos
e-i sas fizas sa dolente mama,
in separazione tota s'ama
pienos de rancores e fastizos,
cum perdida de paghe e amores   
e affettos, trabaglios e suores.   

18. Medas tales haian' ideadu
d'esser a s'inimigu suttapostos
mirade ignotos ite giaos tostos
chi si ch'haian' in coro incravadu!
A su bene sas palas han giradu
pro dare fronte a sos afficcos mostos,
ma s'ischiavu benit calpestadu
bendidu pro niente e comporadu.

19. Emigarantes ch'azis olvidadu
babbos, mamas, fizos e muzeres,            
sutta dominiu de ateros poderes
a ruer cudd'amore professadu
ma prima d'esser ruttu in tal'istadu  
de manu tua impiccadu t'esseres,
ca fisti suttapostu a su castigu
sempre sutt'a fragellu de s'inimigu.

20. Su Veneto notizias racconta
de sas ischiavitudines proadas            
su Belgiu cun sa Franza  trascinadas         
Montenegro, sa  Serbia nd' est tonta,  
si domandas a issas sunu pronta     
a ti las narrer cussas iscenadas,        
senza su trabagliu no s'aztendet fiama
galu a sorre, muzere, fiza e mama.

21. O presoneris ite nde contades,      
nadelu bois su chi nd'azis bidu,
si es' chi azis gosadu o pattidu,
nade su giustu e-i sas  veridades,                     
s'est chi timides seguros giamades              
chi da-e s'inimigu azis fuidu,
ca si bene bos haian' trattadu      
niunu pro patire fit torradu.

22. S'esercitu affannosu e atturdidu
S'es totu a su Piave ritiradu,
e mancu male ch'inie ha' riparadu,
ca nos hat s'alleanza proteggidu,
novamente de provvistas provvedidu
si no regnu ischiavu  fid'istadu,
e dae culpa de sos ingabbardos   
semus sutta a pagare milliardos.

23. Settanta milliardos e piusu
Es' de sutta s'Italia a pagare,
senza sus dannos e materiale
chi han'isauridu dogni abbusu.
Disciprina triunfa e pone in usu
sos ingabbardos a los catturare,
rifflettende cun flema e cun timore,   
rispettende sa legge pro s'onore.

3. - continua

Ultimo aggiornamento Sabato 05 Settembre 2009 18:56
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):