Benvenuto nel nostro sito, che si propone di fornire una finestra sul presente ed il passato del nostro paese. Ci auguriamo che le informazioni da noi fornite possano essere di tuo interesse.

Questa poesia, composta nel 1978, è tratta dal volume "Rosas e ispinas de Baldedu" (edito da Ivo Melis in Cagliari nel 1992), alle pagine 204-205

I

Cando ‘ido sos amigos

ballende su ballu sardu,

naro: “Millu s’istendardu

de sos omines antigos!”.

Deo puru ballaia

che murrocula o che fusu,

como non giuo piusu

pro mala fortuna mia.

Sas berrittas anda e torra

si ficchian che bandelas

a dogni brincu in sa sala.

Comaredda in sa pettorra

pariat ch’haiat melas

trinnighende a s’alza e fala.

II

“Ahijà! Pesadendelu,

comaredda suerada!”,

naraiat sa cantada

de unu chi ch’est in chelu.

“Comaredda ojos de mare

e a mendula sestados:

cantu faghides peccare

cun cussos marcos dorados!

Du... duru, di... diri, dara,

como ch’hazis sueradu

paret de haer cara

totu su chelu isteddadu

de istiu in notte giara.

Dulluru, dilliriadu!”.

III

Cussu già fit su famosu

ballu ‘e su tempus passadu,

ballu allegru, ispiritosu,

ma però chena peccadu.

Mannos nostros l’han balladu

cando bramaian gosu

e in su dulze reposu

l’hana finas sonniadu.

Su sonadore sonende

pariat de ischidare

su mortu da-e sa cascia.

Omines fortes ballende

cun deas a man’a pare:

cantu briu, canta grascia!