Home » Limba Sarda » Coro "Tzaramonte" » Su perdonu

Immagini del paese

Ch neve 2005.4.JPG

Statistiche

Tot. visite contenuti : 6874009

Notizie del giorno

 
Su perdonu PDF Stampa E-mail
Valutazione attuale: / 13
ScarsoOttimo 
Martedì 17 Novembre 2009 00:25

Attu de cuntrissione

 

Perdonu Deus meu.

Cunfesso: hapo peccadu

Cuntritu e umiliadu

pedo piedade.

Eterna bonidade,

Soberana demenzia,

A sa' ostra presenzia,

Sa culpa aburro.

Umile a sos pes curro,

Miseru peccatore,

Cun sinzeru dolore

Est pianghende.

Ca so inculpadu nende:

Meda bos'hapo offesu;

Lu tenzo a grande pesu,

O Deus meu.

De milli culpas reu,

Connosco chi hapo erradu

Et tantu maltratadu

A su Segnore,

Ca sezis Salvadore

Misericordiosu.

Mi dades amorosu

Un'isperanzia

Et tenzo cunfidanzia

Chi senza m'appartare

Mi dezis perdonare

Interamente.

Protesto in su presente

Lassare s'antig'usu

De non peccare piùsu

Eo proponzo.

A bostros pes mi ponzo,

De Deus unicu fizu,

Finas chi su desizu

Hapo a lobrare.

Isetto a mi perdonare

Che-a sa Madalena,

Mi meritat sa pena

Et mi preparo.

Indignu mi declaro

De ottenner su perdonu

Et bois Deus bonu

Già mi lu dades.

Grazias chi mi lu nades,

Poi fatta e cumprìda

Sa pena giusta et devìda

A su peccadu.

Dêt esser' riscattadu

Da-e ogni operazione,

Da-e ogni occasione

Hapo a fuìre.

Devo sempre sighìre

In su caminu onu,

Chircare su perdonu

Et de continu.

Jesus fizu divinu,

So rutu, m'assistìde,

Dade sa manu, 'enide

A mi nde pesare.

Su samben' diat bastare

Chi azis derramadu,

Chi pro me azis dadu

In d'una Rughe.

Siedas, Maria, lughe

Piena de potenzia,

A sa 'ostra presenzia

A m'assistìre.

Pro chi 'enza ad bos godìre

Cun anghelos et santos,

Cun cantos regnant cantos in sa gloria.

Amen

 

Ultimo aggiornamento Martedì 17 Novembre 2009 00:27
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):