Home » Limba Sarda » Caccioni Pietro Matteo » Pietro Matteo Caccioni: Canzone detta della Morte

Immagini del paese

Chiesa Cunventu 6.JPG

Statistiche

Tot. visite contenuti : 11090229

Notizie del giorno

 
Pietro Matteo Caccioni: Canzone detta della Morte PDF Stampa E-mail
Valutazione attuale: / 13
ScarsoOttimo 
Giovedì 11 Marzo 2010 11:26

Ridotta in forma di dialogo, trascrizione a cura di Giorgio Falchi

Pubblichiamo un'altra composizione poetica, molto significativa, del sacerdote chiaramontese Pietro Matteo Caccioni, del quale abbiamo già parlato in precedenza.

 

Amigu

Proite non benis, Morte a mi leare

No ischis ch'in su mundu so ancora?

Intra cum libertade, no istes fora

Ca' ti cherzo unu pagu arreionare.

 

Morte

Amigu meu, non poto trattener

Ca' m'incontro in su giru de su mundu,

Cando non tes pensare debo benner

Cum su colpu fatale, prontu et tundu;

Su chi t'avverto est ch'istes preparadu

Chi benzo et non tes esser avvisadu.

 

Amigu

Su non cherrer intrare unu momentu

Abbisu mi lu faghes a dispettu,

Ti cherzo preguntare a didu tentu

S'hap'a morrer in terra o in lettu,

S'hap'a rezire ogni sacramentu,

O si depo partire bruttu o nettu,

Naramilu pro Deus, Morte cara,

Né ti mustres cum megus tant'avara.

 

Morte

Ischire cando, inue et comente

Est riservadu a unu Deus solu,

Su meu est su levante, su ponente,

Su mundu giro totu a unu bolu;

In cortes intro e disturbo sa zente

Ue b'hat allegria ponzo dolu;

Eo coronas, mitras et tiaras

Ponzo in terra et non timo malas caras.

 

Amigu

Isco chi ses ispada triunfadora

Deus a tie hat dadu cussu donu,

No isettas momentos et né oras

Benis a s'improvisu che i su tronu,

A sa luna, a s'iscuru, a s'aurora

Leas mannu, minore, malu et bonu,

Riccu, nobile, poveru et plebeu

S'ordine osservas chi t'hat dadu Deu.

 

Morte

Già l'ischis chi non poto preferire

S'ordine de su meu superiore,

A su cumandu so prontu a obbidire

Bestiremi de luttu et de terrore,

Custu ognunu lu devet ischire

Sos chi nde ten proare su rigore;

S'Eternu Fizu chi s'est umanadu

De morte sos dolores hat proadu.

 

Amigu

Est beru chi su Deus Redentore

Hat proadu pro te s'ultimu azzessu.

Ma ipse l'hat suffitidu pro s'amore

Chi teniat a s'omine perversu;

Non fit suggettu a tie su Signore

Né tanta libertade t'hat cunzessu,

Morit et si suggettat unu Deu

Pro sa salvesa de su mundu intreu.

 

Morte

De sa domo dispone, amigu caru,

Ca' no has tempus de discuidare,

Faghe su testamentu giustu et giaru,

Non lasses cosas de chistionare,

Non ti balet impignu, né amparu,

Si andas, no isettes de torrare,

Pone in ateras manos su guvernu

Ca' sa partida tua est in eternu.

 

Amigu

S'ischina mi has segadu, Morte ingrata,

Cun sa trista notizia chi m'has dadu,

A chie lasso s'oro et sa prata

Et i sos benes ch'ap'ammuntonadu?

Ahi! Appenas si appesi sa matta,

De cantu fia istrintu et agganzadu;

Duncas mi devo lassare ogni cosa,

Ca' solos benes mios sunt sa losa.

 

Morte

Sos benes tuos servini a niente

S'in vida non t'has fattu caridade,

Pro cussu faghedinde a su presente

Et Deus nde det tenner piedade;

Lea custu consizu et pone mente

Ca' est custa sa pura veridade,

Su chi ti das in vida est su seguru

Si non nde das, t'incontras a s'iscuru.

 

Amigu

Est beru, Morte, su chi m'istas nende

Chi si non mi nde do, no bi nde agatto,

Su mundu est ingannosu et so proende

Sa falzidade in totu sos chi tratto,

Ingannos hant giradu et sunt girende,

Morte sa veridade ti rellatto;

Iscuru a mie! Chi bi so passadu

Sempre sa falzidade hap'incontradu.

 

Morte

Si no hasa proadu sos ingannos

De su mundu fallaze iscuru a tie,

A s'omine prommitti largos annos

Et si leat sa vida in unu die;

Cantos nd'hap'ingannadu de sos mannos

Si no creides preguntade a mie,

Et lis hapo segados sos disignos

Pettighende dinari et impignos.

 

Amigu

Lu bido, Morte, cum s'isperienzia

Chi disturbas sa zente pius cuntenta,

Intras pianu et senza riverenzia

Cun d'unu frittureddu et frebba lenta,

Pustis de pagas dies sa dolenzia

Nde probat sa familia discuntenta,

Ca' senza presse at unu passu assentadu

Su mezus de sa domo ch'as leadu.

 

Morte

Mortale, cantas boltas no has bidu

Su luttu disturbare su piaghere,

Cando cuntentos sunt in su cumbidu

Tota sa cumpagnia et i su mere,

Intro e nde li leo su maridu

O parentes, o fizos o muzere,

Et a s'atera vida los imbarco

Ca' eo sola so, nemini parco.

 

Amigu

Mi bastat gi'hap'intesu su tenore

Ponzemus fine a tantu cunversare,

Ti prego solu de unu favore

De mi cherrer in tempus avvisare,

Pro dimandare grazia a su Segnore

Chi non mi fetat su fogu proare,

Solu cunsignet cust'anima mia

In manu de Gesus e de Maria.

 

Morte

Mi parto, amigu, e ti lasso un ammentu

Imprimidilu in coro et in sa mente,

Non ti penses chi vivas annos chentu,

A mie sempre tenemi presente,

Ca' podes morrer in unu momentu,

De calchi maladia, o de repente,

Ti lasso cum Gesus et mi nde ando

Depo torrare, ma no isco cando.

 

Ultimo aggiornamento Giovedì 11 Marzo 2010 11:50
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):