Home » Limba Sarda » Truddaju Bainzu » Bainzu Truddaju: Attitidu de una mama

Immagini del paese

s'asilo ezzu.JPG

Statistiche

Tot. visite contenuti : 5341082

Notizie del giorno

 
Bainzu Truddaju: Attitidu de una mama PDF Stampa E-mail
Valutazione attuale: / 16
ScarsoOttimo 
Venerdì 23 Aprile 2010 17:28

Questa poesia è tratta dal volume “Rosas e ispinas de Baldedu”, Edizioni Ivo Melis, pubblicato dallo stesso Truddaju a Cagliari nel 1992. (v. pagg.115-116)


Fizu meu, fizu meu,

comente mi ses boladu!

Tue fis su meu fadu,

su ‘acchiddu ‘e sa ‘ezzesa.

Fizu meu, ischida e pesa,

parti luego a sa tanca,

chi s’ebba murra bianca

est inseddada in s’appittu!

S’ama est isparta in su littu

isettende su pastore,

pesa, istimadu fiore,

e parti comente prima

a ue haias istima:

a sas feras, a sas ‘amas!

Fizu meu, pius non m’amas,

tancad’oju has a sa vida!

Ite pena incrudelida

chi mi trapassat su coro!

Tue fis briu e tesoro

de custa pobera domo!

Ahi! Colza, colza! Como

in domo rutu est s’affannu!

Fizu, como chi fis mannu,

como chi fis bonu ‘onu

M’has lassadu in abbandonu,

in su piantu profundu.

Sas bellesas de su mundu

benin e partin luego...

Fizu caru, como prego

chi ‘enza prestu a incue,

pro istare deo e tue

sempre a costazu ‘e pare,

ca non poto domandare

a sa vida atera cosa.

Parti como e reposa

a su fiancu ‘e Deu.

Fizu meu, fizu meu!

 

Ultimo aggiornamento Venerdì 23 Aprile 2010 17:35
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):