A fine Febbraio chiuderemo definitivamente il sondaggio sul nuovo anno. Ma chiameremo i nostri lettori a esprimersi su un altro quesito, che proporremo a decorrere dal 1. Marzo prossimo.

Sardu, sa limba tua no l’atzetas;

e si naras chi emmo in falsu giuras.

Ne cantas, ne iscries e ne curas

sas peraulas giaras, ischiettas.

Mancu sos mannos nostros pius rispettas,

ispozende ‘e Sardigna sas belluras.

Totu sas benidoras criaduras

Sun de sa limba sarda analfabetas.

Semus che una bertula istrazzada,

ch’andende perdet cuddos pezzos bonos

e los chilcat daboi a sa torrada.

De cultura e arte mannos donos

seriamente resta ispozada,

ca oramai no semus padronos.

---

In domo, in iscola e in carrela,

sa limba nostra siat faeddada.

No benzat in su totu ismentigada,

de s’istudare che una candela.

Sardu! Cussa irgonza ogachela.

Ammira totu: cantas cosas ch’hada!

Cun tantu orgogliu frimmas inserrada

de cuddos battor moros sa bandela.

Remoni tota sa tua richesa

chi has in sinu tou ammuntonadu,

o zende de Sardigna incantadora.

Baddes e montes cun tanta bellesa

e mare nettu chi resto incantadu.

De totu custu sias binchidora!

Su vinti de Aprile de su 2001