Home » Limba Sarda » Demelas Stefano » Istevene Demelas: Minieras

Immagini del paese

Chiesa Cunventu 12.JPG

Statistiche

Tot. visite contenuti : 8698094

Notizie del giorno

 
Istevene Demelas: Minieras PDF Stampa E-mail
Valutazione attuale: / 26
ScarsoOttimo 
Mercoledì 11 Maggio 2011 13:04

 

Custu sonette Istevene Demelas l’had’iscrittu pro onorare sos pius de milli emigrados chi, da-e sa fine ‘e sa gherra in poi si che sun’partidos in Belgio, Franza, Germania, Olanda, Isvizzera, Argentina, Canada, Australia. In chirca de trabagliu e de fortuna.

Sos piusu si sunu sistemados bene e hana postu raighina in cussos logos istranzos, inue meda de issos vivene ancora cun fizos e nebodeddos. Ateros b’hana lassadu sa vida: chie in miniera, chie pro incidente de macchina o de trabaglio; pro maladia o ‘ezzesa. Calicunu si nd’est puru torradu a bidda.

Su poete zittada a Costantinu, chi est Costantinu Manchia (lu saludamus), emigradu giovaneddu e oe su pius anzianu de sa comunidade zaramontesa in Flénu (Belgio). Isse est s’ultimu testimonzu de-i cuddos primmos emigrados chi parteini da-e Zaramonte appena finida sa gherra. (c.p.)

---

A primm’a primmu in otto sun partidos,

su barant’otto o su barantanoe.

Sun sessant’annos prezisos a oe,

giovanos fortes de onore ‘estidos.


Sa terra ue si sun’immannidos

lis cumandat ancora bonu proe.

‘Ogn’emigradu sardu est’un’eroe

de onor’e coraggiu sun bestidos.


Sos annos de sa gherra, su bisonzu,

nos hat privadu ‘e su mezus fiore

de cudda pizzinnia incantadora.


Affrontend’in s’esiliu su dolore

Costantin’est restadu a distimonzu

Ch’a Zaramonte onorat ancora.

 

Su trinta ‘e Cabidanni de su 2008

 

Ultimo aggiornamento Mercoledì 11 Maggio 2011 17:54
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):