Home » Limba Sarda » Demelas Stefano » Istevene Demelas: Sa familia

Immagini del paese

Giardini pubblici 2006a.JPG

Statistiche

Tot. visite contenuti : 9301002

Notizie del giorno

 
Istevene Demelas: Sa familia PDF Stampa E-mail
Valutazione attuale: / 25
ScarsoOttimo 
Lunedì 18 Luglio 2011 21:53

In sa pinnetta chi m’hat fattu mannu

viviat sa familia modesta,

festosa, educada e onesta,

chena connoschere ancora s’ingannu.

 

A su babbu usaian su rispettu

e a sa mama sa propria cosa,

pius fit sa familia bisonzosa,

pius garriga fit de intelletu.


No bi fin de sa droga sos timores,

perunos viscios fini tollerabiles,

a s’intersssu totu responsabiles,

imparende ‘e sa vida sos valores.


Cantu fit bella sa familia ‘e deris,

sezida inghiriada in su foghile,

de fronte a totu sabia e umile,

comente e-i sos umiles mestieris,


chi trataian d’ogni santa die

pro campare, ma sempre dignamente;

tando pariat un’atera zente

de fronte a oe. No s’ischit de chie


s’omin’onestu si potat fidare:

de fizu? Fiza? Benneru o nura?

Sun’intr’e domo iscassos e fura,

cando no si dana a masellare.


Però sos mannos la tenen sa gulpa

chi troppu longa sa fune han lassadu;

e accollu su malu risultadu

ponzende a su bersagliu osso e pulpa.


E pruite comente una olta

no torramus a vivere in cosou?

Ponzende afficu a su dovere sou

ognunu ‘e nois, no a lega tolta.


Ite dolore a bider ancora

sa familia segada mesu mesu.

Custos fastizos che sian attesu

e bidere cuntenta ogni dimora.


Lassare de divorzios su dannu,

no sun pro sa familia adattos.

Rinunzio a villinos e palatos

pro sa pinnetta chi m’hat fattu mannu.


Tzaramonte, su trinta de Nadale de su 1994

 

Ultimo aggiornamento Lunedì 18 Luglio 2011 22:02
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):