Home » Limba Sarda » Truddaju Bainzu » Bainzu Truddaju: Notte de insonnios

Immagini del paese

Immagine 011.jpg

Statistiche

Tot. visite contenuti : 4931114

Notizie del giorno

 
Bainzu Truddaju: Notte de insonnios PDF Stampa E-mail
Valutazione attuale: / 9
ScarsoOttimo 
Giovedì 27 Settembre 2012 00:00

Est notte, est mesanotte e so’ ancora

corcadu e senza poder tancar’oju.

Sas ranas de carrela e de su poju

intendo daddarende una pro una;

in su balcone sa lughe ‘e sa luna

bido ch’intrat bianca da-e fora.

 

Ite notte de insonnios sa mia!

Dia cherrer pagare pro dormire

calchi ora nessi e pro mi divertire

in bisos cun sa chedda in paschidorza,

o girende intundu in sa cunsorza

cun sos islancios de cando podia.


Dia cherrer dormire a sonnu sanu

e bisaremi a caddu a briglia isolta,

o in palcos comente calchi  ‘olta

cun bella poesia improvvisada,

o ‘ider sa campagna ricramada

de fiores ch’ispuntan in beranu.


Dia cherrer dormire, dia cherrer

tancare ojos, ca sa mente trista

est finende de forzas sa provvista

e-i su sonnu est ristoru e saludu.

Duncas, beni, ti prego, lestru e mudu

ch’in te s’essere meu cherzo isterrer!


Ma ite t’hapo fattu, caru amigu,

chi custa notte m’has lassadu solu?

Innanti, mariolu mariolu,

m’abbrazzaias tota notte intrea,

e boltas meda fina in sa cadrea

mi ‘asaisti in su tempus antigu.


S’isposa mia est dormida e intendo

s’alenu a s’anda e torra; in s’appusentu

de s’ater’ala, serenu e cuntentu,

fizu meu fattende est bisos d’oro.

E deo, totu orijas, totu coro,

custu fantasticare non suspendo?


Cfr. BAINZU TRUDDAJU, Rosas e ispinas de Baldedu, Ivo Melis editore, Cagliari 1992, pagg. 46-47

 

Ultimo aggiornamento Giovedì 27 Settembre 2012 00:27
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):