Home » Limba Sarda » Demelas Stefano » Istevene Demelas: Zente antiga

Immagini del paese

Castello 40.JPG

Statistiche

Tot. visite contenuti : 7934662

Notizie del giorno

 
Istevene Demelas: Zente antiga PDF Stampa E-mail
Valutazione attuale: / 5
ScarsoOttimo 
Venerdì 22 Marzo 2013 00:00

Zente trabagliadora, Isola mia,

has tentu e de bisonzu apprettada.

Da-e barbaros coros dominada,

in manos de sa vile tirannìa.

 

A mur'uldu sas tancas recintadas,

cun su sambene 'e s'omine famidu,

cand'a teraccu anzenu ch'est bessidu

cun calzones e ragas istrazzadas.


Igue su tirannu hat fattu jogu,

serrendesi cussorzas e bighinos

a palas de sos poveros mischinos,

trattados male a ferru e a fogu.


Sas manos da-e gallos indurìdas

no hana ammoddigadu cussu coro,

ca pessaian de fagher de oro

ricchesas da-e animas famìdas.


E obbligados a istare mudos,

ca su padronu fìt sempre padronu;

pedéndeli a dogn'ora su perdonu

fìnas famidos, iscurzos e nudos.


Sa udijedda fora, in s'alta serra,

fit sa trematta pro poder drommire.

Cosa chi como non poden'ischire,

fid'a colcare a costas a terra.


Su manzanu s'istella matutina

'essiat poi de esser pesadu;

sos giùos giuntos a carru o aradu

fin cumpagnia fina a serentina.


Però torrend'a domo istraccu tantu,

si ricuiat sa fascia 'e sa linna,

lead'in brazzos che una pizzinna

chelfida 'ene, cun biancu mantu.


Brinchende su jannile a sero tardu,

fid'allegria in mesu sa pena,

cando ischiat chi mamma, pro chena,

fatt'haiat padedda 'e fae e lardu.


Cussos fin tempos de paghe e amore;

Toccu 'e manu fit toccu 'e campana.

Ma zente de sinzeridade sana,

no viviat cun tantu disonore.

 


Cfr. Poesias de Istevene Demelas, Grafiche EsseGi srl, Perfugas 2012, pagg. 39-40

Ultimo aggiornamento Giovedì 21 Marzo 2013 18:33
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):