Home » Limba Sarda » Demelas Stefano » Istevene Demelas: Chie est unu sardu?

Immagini del paese

Ch campanile.JPG

Statistiche

Tot. visite contenuti : 8698225

Notizie del giorno

 
Istevene Demelas: Chie est unu sardu? PDF Stampa E-mail
Valutazione attuale: / 7
ScarsoOttimo 
Giovedì 30 Maggio 2013 18:30

Cuntentu 'e m'ammentare cussas dies,

che cando fìmus che chelvos arestes;

a mi torrare a ponner cussas bestes,

fossi t'ispantas meda e ti nde ries.

 

Pariaimus animales de foresta,

brinchende ma timende su rigore

e mancaiat de domo s'amore,

s'armonia, sa brama de sa festa.


Frimmende sos anèlos de vint'annos,

ch'in terra nostra fat'hamus tesoro

e mai che lu leo da-e coro,

cultura e valores gai mannos.


Che sardu ti faeddo, amigu caru,

pro chi che semus aizu lontanos;

ma cun istima e cunzettos sanos

rispettosu rispondo leale e giaru.


Ma chie est'unu sardu? Unu so deo,

piantadu cun fortes raighinas;

de sa nostra regione sas istrinas

nò mi merito; ma mi che las leo.


Pro cantas dies su sole s'accèrat

in su raru albore, cantu duro,

cun ardore azzesu a mie giuro

amore a chie sardu s'ischierat.


Preighende amparu e santa paghe,

semenada sinzera a mannos punzos,

fortes comente sos antigos brunzos,

ch'agatamus in tumba e in nuraghe.


Naran sa terra de sos latitantes;

ma su sardu est'omine de onore

e istrinat un'ampiu valore

a furisteris de Sardigna amantes.


De totu sas ofesas ch'hat rezidu,

su sardu hat paradu sa petorra;

barbaros d'ogni iscera a s'and'e torra

han ritiradu, ca nos'han timidu.


Lottende a fronte alta e fieru,

salvende de Ichnusa sa figura,

sa limba sarda, sa sarda cultura:

custu det esser... unu sardu veru!


Cfr. Poesias de Istevene Demelas, pagg. 51-52


Ultimo aggiornamento Mercoledì 05 Giugno 2013 15:36
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):