Home » Limba Sarda » Truddaju Bainzu » Bainzu Truddaju: Pizzinnìa

Immagini del paese

Panorami 3.JPG

Statistiche

Tot. visite contenuti : 4931093

Notizie del giorno

 
Bainzu Truddaju: Pizzinnìa PDF Stampa E-mail
Valutazione attuale: / 5
ScarsoOttimo 
Domenica 01 Settembre 2013 12:35

Mamma mi toccaiat in su bulzu

cun boghe imperiosa nende a mie:

«Bessimi da-e nanti, gioga e rie

chi frebba non nde tenes una riga,

o anda a visitare, a moda antiga,

parentes e amigos de acculzu!».

 

 

 

 

 

 

 

 

 

 

 

 

Deo partio a brincos e a giogu

in s'unda 'e su beneficu recreu;

su sera recuiat babbu meu

istraccu da-e tantu tributare

e poi sezziamus a chenare

in s'antiga pinnetta a lughe 'e fogu.

 

Tando fin tempos de promissas veras,

su mundu mi pariat totu rosas;

non nde 'idia penas fastizosas

ne problemas de 'inaris pro sa vida:

totu fit un'iscena fiorida

da-e sas frascas fin'a sas aéras!


Ite tempus pacificu su meu!

In cuddas temporadas de su nie

giogaimus a boccias tota die

cun sos cumpagnos mios e fedales,

isfidende sas iras de sos males

chi cun su nie mandaiat Deu.


E da chi sa fiocca passaiat,

fin rizolos de abba sas carreras;

cuguddadas e feas sas aéras

noa minettaian temporada,

e da chi sa tempesta fit passada

in su chelu su sole riaiat.


Como han finidu sas curreras bellas,

sos mios giogulanos pensamentos

sun isparidos cun nies e bentos,

comente unu sonnu 'e criadura:

mama non ch'est pro mi rendere cura,

ne conto pius in chelu sas istellas.

 


Cfr. BAINZU TRUDDAJU, Rosas e ispinas de Baldedu, Ivo Melis Editore, Cagliari 1992, pagg.98-99

Ultimo aggiornamento Lunedì 02 Settembre 2013 15:22
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):