Natale 2018 e Anno nuovo 2019

Animale fìdele a su padronu,

fatend'e coa tentat su jannile.

Si pro cazza afferras su fusile,

a muzzighil'a terra e nasu 'onu

e cun orijias bonas d'ogni sonu

intendet e lu tentat su cuile.

Su frade sou ch'est pius zivile,

ponet d'ogni fadiga in abbandonu.

Drommit'in s'ierru in logu caldu

e in s'istiu chilcat sa friscura,

si colcat chito e pesat a taldu.

Est giusta a su padronu sa figura,

su ch'istat bene hat su riguardu.

Cane e padronu han totu una misura...

...su cane poveru est su cane sardu!

Cfr. Poesias de Istevene Demalas, Perfugas 2012, pag. 92