Home » Limba Sarda » Truddaju Bainzu » Su tribagliu de su pastore

Immagini del paese

Castello 4.JPG

Statistiche

Tot. visite contenuti : 4931101

Notizie del giorno

 
Su tribagliu de su pastore PDF Stampa E-mail
Valutazione attuale: / 6
ScarsoOttimo 
Venerdì 22 Agosto 2014 00:00

de Bainzu Truddaju

 

Prim' 'e cantare in chelu sa chilandra

in sos dulzes manzanos de abrile,

ses fatt'a s’ama o murghende in sa mandra.

 

Da-e prima 'e sas chimbe, a s'impuddile,

che unu rusignolu in s'adde amena

cantas armoniosu in su cuile.


In costera, in su monte o in s'ena

t'has fattu mandra, pasciale o pinnetta

e bramas ch’happas annada piena...


Ses da-e mes'attunzu a pan'e petta,

liberu, trancuillu in sa campagna,

isfidende de su chelu 'ogni minetta.


S'ama bella chi tenes pro cumpagna

in s'attunzu t'hat dadu sos anzones

cun petta saborida intro s'intragna.


Poi de s'instellàda, latte pones

in lamas e labias su manzanu

e cantas bellas liricas cantones.


In s'incantadu e fioridu 'eranu,

versu sa fin'e maju, in sa cunsorza,

sutta su dulze raju solianu,


leas puntuda, accutta, una resorza,

bocchis s'ultimu anzone nadu in maju

e che li 'ogas mattivuzu e corza!


Cuss'anzone o forsis calchi paju

ti servin pro sa festa 'e sa tusura

sutta s'alvure umbrosa cando has aju.


Da-e s'antighidade pius oscura

vives pro su pius in solidade,

godende in sa foresta aria pura.


Mancari che a prima, caru frade,

non ses fattende vita turmentosa:

finas sa legge, s'autoridade


t'aggiuat e ti porrit calchi cosa

cando siccagnas o s'abba crudele

ti faghet s'ama tua infruttuosa.


Bastat, sempre a s’ama ista fidele,

pastore, in s'arte tua dilettosu

che-i s'abe in sa chera e a su mele,


e sempre in s'onestade happas riposu.


Menzione d’onore al Premio di poesia sarda CREI-ACLI, Sassari 1989

Cfr. Vintichimb’annos de poesia sarda CREI-ACLI de Sardigna, ed Gallizzi, Sassari 2014, pag.23

 

 

Ultimo aggiornamento Lunedì 18 Agosto 2014 18:11
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):