Home » Limba Sarda » Sale Maria » Lamentos de mama terra

Immagini del paese

Castello 29.jpg

Statistiche

Tot. visite contenuti : 4931165

Notizie del giorno

 
Lamentos de mama terra PDF Stampa E-mail
Valutazione attuale: / 8
ScarsoOttimo 
Venerdì 19 Settembre 2014 00:00

de Maria Sale

 

Un’altra composizione, ma in rima sciolta, che la poetessa chiaramontese Maria Sale dedica all’emigrato. (c.p.)

 

---

 

Cun boghe de pedra e

limbas de fogu

appo tichirriadu,

e cun sa cara pista

appo isgramadu a su 'entu,

padronu 'e s'adde

e de solidade.

S'est siccadu in su piuere

de cunsuntos caminos

su piantu meu

de mama isculza,

peri sos restujos

de un'incunza lanza;

che-i su 'e fizos mios

a manu in chizos,

cand'an boltadu palas

e s'an gittu traende

su 'arriu 'e disizos

chi no an'assacarradu

sas manos mias boidas.

E so’ restada a ninnare

bisos de atteros tempos

aneddos de libertade

altares de paghe.

Ierros de 'iddia,

nottes de luna

appo passadu 'izende

mentres chi mi punghiat

sa piae 'e tanta pena

de ch‘ider semenende

fizos in terr'anzena.

E mi so’ consolada

'e carignare nebodes

cun boghe istranza,

ma inue un'istiza

'e sa 'oghe mia

at lassadu sinnu.

E oe?

Oe, chi sa piae est sicca,

sas renas de mare

e sos chizolos de 'idda

apporro

pro atteros fizos,

fizos de mama che a mie

cun boghe de pedra

isgramende 'ebadas...

Oe...

mustro una piae sicca

chi no est mai cujada...


Cfr. Poetes a s’interinada, a cura di Sevadore Patatu, Edissiones de Sa Pro Loco, Zaramonte 1996, pagg. 41-43

Ultimo aggiornamento Lunedì 20 Aprile 2015 18:23
 
Commenti (1)
ex
1 Venerdì 19 Settembre 2014 11:46
Giommaria

Bellissima. Mentre la leggevo avvertivo quasi toccandolo tutto l'amore materno, infinito e disperato, che la poetessa esprime e mi veniva alla mente una strofa di una famosa "disimperada" cantata dalla grande Maria Carta nella quale una madre ricorda i figli "andados pro suerare in terra anzena". Mi congratulo vivamente

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):