Home » Limba Sarda » Truddaju Bainzu » Sos campos in beranu

Immagini del paese

Chiaramonti 1899.jpg

Statistiche

Tot. visite contenuti : 5766569

Notizie del giorno

 
Sos campos in beranu PDF Stampa E-mail
Valutazione attuale: / 4
ScarsoOttimo 
Sabato 17 Gennaio 2015 10:14

di Bainzu Truddaju

 

Ite bellu in beranu 'essire in giru

a ue est s’ama ispalta in sa costera,

cando canes giannittan fattu a fera

e in s’adde s'intendet calchi tiru.

 

De fiores campinos s'ortu est pintu

e bi murmuttat s'abe in sos fiores,

cantan a tota 'oghe sos pastores

a manu in barra e cun sa leppa in chintu.


Ma non cantana solu, in s'alapinna

cumponen calchi versu a frasas d'oro

a sa pisedda chi tenen in coro

o faghen calchi calighe de linna.


Logu delissiosu e de incantu

rendet beranu s'ammajadu saltu:

sas chilandras in chelu in altu in altu

faghen ballende ogni iscera 'e cantu.


Terra de sardos, funtana e tesoro

de sas nostras ricchesas campagnolas,

chi che risu giocundu nos consolas

cando cuntentu falat a su coro.


Ah, terra mia de candore 'estida

cun rosas de giardinos e de ruos:

cando passat s'istranzu in logos tuos,

finas s'est bezzu mannu amat sa vida!


Mattulos de trovozos fioridos

paren lettos de seda, sa foresta

a tottu cantu impignu ‘estida a festa

est piena de ciulos e nidos.


Terra de mannos nostros, cantos brios

in te han consumidu sos antigos,

cando fit mare de ervas e trigos

pro sos amados berrittones mios.


Ah, si bonu poete fia istadu

o pintore chi usat tinta e telu,

l’haia pinturadu e postu in chelu

pro eternu giardinu immaculadu!


Ma si non poto fagher poesia,

si pintura pro te sa pius digna,

tue, rara bellesa de Sardigna,

azzetta cust’umìle ignagnarìa.

 

 

Cfr. BAINZU TRUDDAJU, Rosas e ispinas de Baldedu, Ivo Melis Editore, Cagliari1992, pagg.109-110

Ultimo aggiornamento Sabato 17 Gennaio 2015 20:39
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):