Home » Limba Sarda » Cossu Salvatore - rettore di Ploaghe » Sos obbligos de su Sindigu et Consizeris de una Bidda

Immagini del paese

Ch panorama 29.JPG

Statistiche

Tot. visite contenuti : 7715272

Notizie del giorno

 
Sos obbligos de su Sindigu et Consizeris de una Bidda PDF Stampa E-mail
Valutazione attuale: / 9
ScarsoOttimo 
Sabato 21 Marzo 2015 16:11

di Savatore Cossu, già rettore di Ploaghe

Dimanda: Ite sunt su Sindigu et Consizeris de una Bidda?

Risposta: Sunt sos Cabos de su Populu, et i sos Babbos de sa Patria, subta sa dependentia de sos relativos Superiores.

D. Quales sunt sas particulares obbligationes ipsoro?

R. Sas particulares obbligationes de unu Sindigu et Consizeris sunt principalmente sas sighentes:

1. Capacitaresi substantialmente de sos Edictos, Pregones et de ogn'atera  ordinatione riguardante su bonu guvernu de sa Bidda, cum cuddas praticas et costumenes de su logu, qui non si opponent ad sa lege divina, nè umana.

2. Cum fidelidade et gelosa cura administrare sos affares et interesses de su Comune, et cum prudente zelu promòvernde su bene.

3. Ripartire cum equidade, justitia et imparlialidade sos Contributos, ordinare sos Cumandamentos Personales et distribuire ogn'ateru pubblicu pesu od incommodu.

4. Invigilare et mustrare pectus, senza riguardòs humanos, pro qui illesos si cunservent sos drettos et pertinentias de sa Comunidade, nè s'introduant abusos, nè s'aggravent sos poveros, nè si violent sas Leges, et Istatutos patrios, opponzendesi vigorosamente ad quantu prejudicare podet su bene pubblicu.

5. Non dispensaresi malitiosamente, nè dolosamente dae sas Congregas, quales si devent tenner senz'ispiritu de parte, nè pro miras, od interesses privados, ma unicamente pro su bene pubblicu, qui est preferibile ad su privadu o parliculare.

6. Non dissimulare cum malitia, nè cagliare pro timore, o rispectu humanu, su veru sentimentu propriu; nè violare su secretu (qui est s'anima in sas Congregas) de sas cosas qui in Consizu si tractant.

7. In sas propostas, o nominas de ispectantia de su Consizu, ispozaresi de ogni privada passione et proceder juxta sos ordines de sos Superiores,  qui mirant semper sa probidade et capacidade de sas personas; et occurrende Certificados, Informativas, Peritias etc. deponner pura sa  veridade, senz'odiu, nè mala voluntade pro offender, nè deferentia pro favorire cum mancantia de su dovere propriu.

8. Invigilare subra sos comestibiles, qui siant sanos, subra sos pretios, qui non siant alterados, subra sas mismas et pesos, qui siant justos,   subra sos Contabiles, qui siant exactos, et subra ad quant'ateru cumandant sos Superiores, atales qui siat postu in executione in bene  de sa Comunidade, sa quale, comente Pupilla, reclamat una fidele,  diligente et paterna administratione et cura de sos interessos suos[1].

9. In graves et complicados affares, o qui portant tractu de consequentia, non deliberare, senza s'assistentia de probos homines, nominandos cunforme ad sos varios Edictos in propositu; sos quales probos homines,  nominados ad fagher parte de una Giunta doppia, giamada ad Classe redoppiada, in proportione tenent sos matepsi obbligos de sos Consizeris et devent narrer su propriu sentimentu subra s'objectu, pro   su quale sunt giamados, senza passiones, nè indebitos riguardos. Però sos Vaxallos, cum sa docile subordinatione, fidelidade et ubbidientia, cumplende sos obbligos indicados [...] devent concurrer, in bona harmonia et concordos, ad su matepsi fine et objectu de su bene pubblicu.

 

Cfr. C.SATTA – A.TEDDE, I doveri del cristiano nelle opere in lingua sarda del rettore di Ploaghe Salvatore Cossu (1799-1868), ed Associazione Alcide De Gasperi, Sassari 2006, pagg. 48-50

 



[1] Sos Consizos Comunitativos sunt postos subta s'immediata proctetione de su Soberanu, su quale hat expressamente prohibidu, qui benzant perturbados, nè molestados mai in s'exercitiu de su impleu ipsoro dae niunu, de quale si siat istadu, gradu o conditione: epperò s'impignàresi, a totu podere, ad cumplire sos  obbligos, qui los riguardant cum s’unidade de sos sentimentos, cum sa cuncorde harmonia et zelu (sa disunione et divisione in sos Babbos del sa Patria, faghent de sa mantepsi Patria su bene trascuradu et gravemente prejudicadu), est currisponder ad sa fiducia, q’hat in ispsos ripostu su Monarca, et ad s’alta dignatione de sa protectione Sua, in tractare et administrare sos interesses de su Comune.

Ultimo aggiornamento Sabato 21 Marzo 2015 19:16
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):