Home » Limba Sarda » Sale Maria » In su giannile

Immagini del paese

n.ruiu.JPG

Statistiche

Tot. visite contenuti : 5341148

Notizie del giorno

 
In su giannile PDF Stampa E-mail
Valutazione attuale: / 4
ScarsoOttimo 
Lunedì 03 Agosto 2015 00:00

di Maria Sale

 

In su giannile meu,

sas istigas

mi so proende

oe a las medire,

e a nd’iscoberrer

s’isterrida ‘e su passu.

E sò inoghe,

torra a l’agattare,

pro ponner sas peittas a costazu,

pro nd’ispijar’aerada a car’a pare.


Hap’agattadu cabale sa cabida:

sa mustra de s’andare

est oe che tando,

che cando in palas suas brincaia

e attesu fit de currer su pedìnu.


S’ispiju m’est mustrende iscradia-iscradia

su brincu ‘e s’istrejida time-time,

su fundu, cunsumidu, ‘e sa torrada,

sa tratta ch’impressada,

in sa partida, no haia calculadu fue-fue,

né sinnos haia lassadu ‘e dispedida.


Hap’agattadu a tie a m’imbarare:

giannile cunsumidu ‘e tantu andare,

cun pesos e cun mattulos de suore

ch’in palas t’han bestidu sas anderas,

mudende poi passazos e caminos.


E so inoghe, oe a t’aporrire

sa giunta de peraulas arribadas

chi tantas boltas hapo carignadu,

pedende a tie su briu pro avanzare.

 

 

Cfr. MARIA SALE, Carignos de ‘entu, Edes, Sassari 2015, pagg. 36-39.

Ultimo aggiornamento Martedì 01 Settembre 2015 11:44
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):