Home » Limba Sarda » Sale Maria » Cantadoras

Immagini del paese

Ch arcobaleno 3.JPG

Statistiche

Tot. visite contenuti : 5174495

Notizie del giorno

 
Cantadoras PDF Stampa E-mail
Valutazione attuale: / 5
ScarsoOttimo 
Giovedì 21 Gennaio 2016 18:12

di Maria Sale

Poco prima di Natale, il Coro femminile Doria aveva promosso una manifestazione (Feminas tra cantigu e poesia) che vedeva protagoniste esclusivamente le donne. In prevalenza chiaramontesi.

Fra le tante poesie in limba presentate dalle poetesse che vi hanno partecipato, ci piace pubblicare queste cinque ottave di Maria Sale. Che, con la sensibilità che la connota, ricorda il tempo in cui i vari momenti della vita familiare e comunitaria erano scanditi dalle donne accompagnandoli con canti. Più spesso allegri, talvolta tristi e talaltra melanconici. A seconda della circostanza. (c.p.)

----

Cantadoras


Bos intendo, cun boghe dulch’e lena,

anninnias in bantzigos cantende,

sa fortuna pro fizos disizende

e tenzende in coro calchi pena.

O cantendelis longa cantilena,

cun sa ‘oghe de ballu, murmutende,

su duru duru e su tai tai,

cuddas cantones chi no finint mai.


Bos intendo, de mutos cantadoras

sas dies cabulende cun faina.

Colende cun sedatos sa farina

pro pane saboridu sas suetoras.

A “bogh’e riu” sas samunadoras

cun trastes intro s’abba cristallina.

E cun telarzu, ruca, linu e lana,

sa tessidora cun sa filonzana.


Bos intendo, sa ‘oghe pius dechìda,

in gianna, cun trig’istrint’in manos,

beneighende, cun fozas e ranos,

s’incaminada noa de sa vida.

Nende: “Siat cust’andala fiorida,

pro ponner passos giustos e galanos”.

Cun su versu pensadu sempre nou,

cabàl’a su disiz’in coro sou.


Bos intendo, cantende sos adios,

a caros, in s’ora ‘e sa giamada,

attitende, sa sorte ch’est toccada

in sa tristura cun cantigos prios.

Raros carignos, chi los torrant bios,

cun sos ammentos de vida passada.

In s’ora bisonzosa de consolu,

dend’aconortu cun versos a bolu.


Bos intendo, sinnend’ogn’istajone

De custa vida nostra passizera.

Bos intendo che nùscos in s’aera

de rosas a maju in pubusone.

Sezis sa trama de sarda cantone

chi resistit a boghe furistera.

Sezis s’alenu chi nd’ispinghet boghe

e, cun s’ammentu, sezis tot’inoghe.

Ultimo aggiornamento Giovedì 21 Gennaio 2016 18:24
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):