Home » Limba Sarda » Truddaju Bainzu » Sardigna deris e oe

Immagini del paese

Chiaramonti panorama 27.JPG

Statistiche

Tot. visite contenuti : 5768359

Notizie del giorno

 
Sardigna deris e oe PDF Stampa E-mail
Valutazione attuale: / 4
ScarsoOttimo 
Venerdì 15 Aprile 2016 20:06

di Bainzu Truddaju


“Cantu ses bellu messaju cand’aras!”

neit in Su Massaju Pedru Casu,

cando murmuttaiat chena pasu

“cun risu in coro e pregarìa in laras”.


Tando limpizaian sas arvadas

de s’aradu ‘e sa linna in sos attunzos,

chi frundìan interra oro a punzos

e fini sas campagna populadas.


Fumaian sos sulcos su manzanu

a su sole fecundo ‘e Sant’Andria

e su messaju a sa prima giarìa

si ninnaiat cun su trigu in manu.


Fis bella tando, Sardigna istimada,

ma oe ses ancora pius bella:

in sa Costa Smeralda ses istella,

che perla in sa tela ricamada.


No has vias pius a impedrados,

ne ainos, ne caddos in sa gianna

cun sos imbastos garrigos de canna

e bertulas e saccos affumados.


Has cambiadu mantu ‘e ti ‘estire

a pompa sas piattas e carrelas:

alzache fin’a chelu sas bandelas,

ca su progressu t’hat fattu imbellire.


T’han fizos tos cantadu e brindadu

a su bomborombò in sas pinnettas

e-i sos chi connottu hasa poetas

t’han cun versos de oro recramadu.


Cando ‘enin pro t’ider sos turistas

e miran sas bellesas chi possedis,

a coro in manu a bider lis cunzedis

sas pittorescas naturales vistas.


Ses bella, tenta in coro e adorada

da-e sos tuos caros emigrantes,

chi sun in terra anzena tribagliantes

cun duna nostalgia ismisurada.


Bastat, Sardigna mia, sighi e faghe

in sas tuas bellesas e impignos

e-i sos fizos ch’has siana dignos

de amare sa terra ‘e su nuraghe.

 


Menzione al Premio Logudoro di poesia sul tema “Sardigna deris e oe”, IV Edizione 1985.

Cfr. 30 annos de poesia e de limba sarda , a cura di Francesco Cossu, Gavino Contu, Giuseppe Soddu, ed. Sodalizio Culturale Ozierese Pirastru-Cubeddu-Morittu, Ozieri 2013, pag. 110.

Ultimo aggiornamento Venerdì 15 Aprile 2016 20:15
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):