Home » Limba Sarda » Demelas Stefano » Si pesso a tie

Immagini del paese

Castello 1.JPG

Statistiche

Tot. visite contenuti : 9421115

Notizie del giorno

 
Si pesso a tie PDF Stampa E-mail
Valutazione attuale: / 5
ScarsoOttimo 
Martedì 09 Agosto 2016 16:32

di Istevene Demelas

Sas gherras sun signales del terrore

Chi dogni coro diventat crudele;

Unu est Cainu, unu est Abele,

unu est binchidu, unu est binchidore.

 

Disgrascias de ogni calidade

s’intenden in su mundu che campanas,

a dannu sempre de vidas umanas

e de fauna e flora! Lastimade

 

sa terra peccadora che dimoniu

chi no cheret intender paghe santa.

S’umanidad’e oe tota ganta

est’isfatende dogni patrimoniu.

 

Ite poto pessare? A mente sana

non b’hat coraggiu ‘e fagher pessamentu;

nd’happo de ajiu de istare attentu

a rispostas chi mai no mi dana.

 

E-i s’amore chi si ch’est boladu

a logos malos, sos pius cuados

e tot’in duna semus diventados

una truma de rispetu segadu.

Cudd’alva cana, chi fit monimentu

cun sa berritta signu ‘e sabiesa,

totu ch’amus bogadu cun lestresa

che nues trajinadas da-e su ‘entu.

 

Ma cando pesso a tie, sole jaru,

no b’hat dies nuadas ne iscuras,

ne dolores, ne penas o amarguras.

Cun perunu disprezzu totu est caru.

 

Su e t’haer in mente, rosa amada,

su mundu tot’in paris si presentat,

cun tegus s’isperanzia alimentat

che viver’in dun’isola fadada.

 

Ca s’oriolu chi mi pones tue

Tzoccat in conca che unu cannone,

edducas no agato paragone

a che ponner sa conca in ater’ue.

 

Pruite tennere s’anima in pena

pessende a disgrascias e a gherras?

Sende ch’intr’e a tie mi ch’isserras…

si pesso a tie sa vida est serena.

 

Cfr. Poesias de Istevene Demelas, Grafiche EsseGi, Perfugas 2012, pagg.13-14.

Ultimo aggiornamento Martedì 09 Agosto 2016 16:42
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):