A fine Febbraio chiuderemo definitivamente il sondaggio sul nuovo anno. Ma chiameremo i nostri lettori a esprimersi su un altro quesito, che proporremo a decorrere dal 1. Marzo prossimo.

de Istevene Demelas

Tue ses sole in sa terra fritta,

tue ses abba in su desertu Sahara.

De m’istimare tota vida nara,

chi sias adorada e no traita.

Ses rosa, ses viola, margherita,

de su giardinu ses pastera rara.

Biancu ruju si pizu ‘e sa cara,

pares da-e sos santos beneita.

Sa bellesa ‘e sas laras e-i sos ojos,

cando ti miro, sun che calamida

chi cun sos mios bi faghen abbojos.

Fin’in su sonnu, cando ses drommida,

sun’abba cristallina! Duos pojos

chi dissetan dogn’anima sidida.

Cfr. Poesias de Istevene Demelas, Grafiche EsseGi, Perfugas 2012, pag. 15.