Home » Limba Sarda » Brozzu Renzo » Su piantu ‘e sa Sardigna

Immagini del paese

Immagine 002.jpg

Statistiche

Tot. visite contenuti : 5168094

Notizie del giorno

 
Su piantu ‘e sa Sardigna PDF Stampa E-mail
Valutazione attuale: / 7
ScarsoOttimo 
Lunedì 20 Febbraio 2017 21:17

di Renzo Brozzu


Cando s’istiu mi tesset su mantu,

in su caldu telalzu de su coro,

recamadu de sole e filos d’oro,

deo m’isolvo in pojos de piantu.


Piango, ca s’ispiju chenza dolu

mi mustrat su ritrattu ‘e sa tiaza,

bestida de zenina, frasca e paza,

cundida de tristura e disconsolu.


Piango pienende siccos rios,

pro sos fizos ch’in terra istraniera

han perdidu ogni brama e ogni ispera

de si lobrare ancora in brazzos mios.


Piango, cando s’odiu accanidu

sulat velenu dae ogni logu,

pro m’arrustire cun limbas de fogu,

sa corona chi littos m’han frunidu


in tantos annos de dura faina,

chi pro gulpa de crudeles Cainos,

suerzos, chercos, elighes e pinos,

morin in d’unu mare de chijna.


Balentes, latitantes, sequestros

mi faghen lagrimare de dolore,

cand’imbruttan cun ludu ‘e disonore

su suore de sos frades onestos.


Oe de lagrimare so istracca,

istracca de gherrare cun sa morte,

incadenada a sa pidiga sorte

de orfanedda burda e de teracca.


Oh, fizos mios, cando su destinu

m’hat a bestire sa lughe ‘e s’incantu

chi m’ascultat su ranzigu piantu

in sas feridas mannas de su sinu?


Tando, dae su cantaru ‘e sas penas

m’hant a bessire rios de licore,

pro allattare ranos de laore

chi m’hazis semenadu intro sas benas.


Incunzende si trigu ‘e s’onestade,

bos hapo a bider totu a manutenta;

e deo, mama diciosa e cuntenta,

piango perlas de felizidade.

 


3° classificato alla III edizione del Premio Logudoro (1984) avente per tema “Sardigna ite cheres?”

Cfr. Antologia del Premio Logudoro 1882-2011 – 30 annos de poesia e de limba sarda, a cura di Francesco Cossu, Gavino Contu e Giuseppe Soddu, Ozieri 2013, pag. 98.

Ultimo aggiornamento Lunedì 20 Febbraio 2017 21:22
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):