Home » Limba Sarda » Sale Maria » In mesu ’e pedras frittas

Immagini del paese

chiaramonti 1963.JPG

Statistiche

Tot. visite contenuti : 6872700

Notizie del giorno

 
In mesu ’e pedras frittas PDF Stampa E-mail
Valutazione attuale: / 2
ScarsoOttimo 
Sabato 09 Dicembre 2017 18:43

di Maria Sale


Ispisinzu

de andantas

a pesu ‘e giuales

mi mustrat

sa lughe ‘e sos chintales.

Sainettes

de iscias traessadas,

annoàdos,

giompen torra a tivas

cun sos arrastos

de disizos aurtidos

chi pittigan

che isprones inchietos.


Mi chirrio sos isteddos

in s’apitu ‘e terra ruja,

chi m’est bantzigu de s’anima

in mesu ‘e pedras frittas.


In cussas ranzas de terra,

inue m’ispijo e m’appento,

assento dies rebelles.


Inie annotto fitiana

s’istria in bestes de jana

chi m’istigat e infadat

sas andalas signadas.


Inie isetto ‘uttios limpios

pro custas manos arridas

e giuntas potan buffare

torra in lacos pasados.

 

 

Cfr. MARIA SALE, Carignos de 'entu, Edes, Sassari 2015, pagg. 94-95.

Ultimo aggiornamento Domenica 10 Dicembre 2017 12:20
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):