Home » Limba Sarda » Sale Maria » Sa luna istanote in chelos d’annèu

Immagini del paese

Scorcio 1.JPG

Statistiche

Tot. visite contenuti : 6773694

Notizie del giorno

 
Sa luna istanote in chelos d’annèu PDF Stampa E-mail
Valutazione attuale: / 6
ScarsoOttimo 
Lunedì 28 Maggio 2018 00:00

Ammentos de Paulu Pillonca, poete e istudiosu de sa limba sarda, chi si ch’est andadu da-e custa Terra

de Maria Sale

Sa luna istanote in chelos d’annèu.

Incomintzat gai sa dulche poesia, iscrita dae Paulu Pillonca pro ammentu de Maria Carta e cantada dae Piero Marras. Peraulas chi dèghen pro nàrrere cale tristura est giompida oe cun s’ischire de sa mancantzia sua.

Sos poetes de Sardigna, de palcu e de taulinu, oe nos intendimus totu orfanados. Creo chi totu sos chi iscrimus poesias l’epemus connotu e nd’epemus apretziadu sa connoschentzia manna e limpia chi teniat de sa raighina pius funguda ‘e sa poesia sarda. Ma pius de totu amus pretziadu sa manera sua de bonu tratare.

In meda nd’an a iscriere paginas longas pro s’ammentu sou, e lasso a issos s’impignu de nd’e fagher sa pius lughente biografia. Deo apo s’ammentu innidu de una bella amistade. Sas arrejonadas inue nòdida cumpariat sa mannaria de sa cultura sua, fata pius manna ancora dae s’umanidade e semplitzidade chi aiat in su tratare. Sabientzia!

L’apo connotu in sos premios de poesia, in sos tantos inue faghiat parte de sas giurias. Sas faeddadas suas in sos premios sun istadas imparos. Apo fatu parte cun issu de sa giuria de paritzos premios, massimamente pro deghe annos in su premiu de ‘Iddanoa Monteleone in ammentu de Remundu Piras.

Aiat atzetadu cun piaghere de fagher parte de sa giuria de su premiu “Santu Mateu” in Tzaramonte e, a bonu coro, aiat atzetadu de torrare a Tzaramonte s’annu infatu pro sa serada in ammentu de Giuanne Seu.

Sa connoschentzia e s’amistade sua sun istadas un’onore pro chie at tentu sa fortuna de las apretziare. L’apo saludadu s’ultima olta in su Premiu de Utieri, unu de sos tantos chi nd’an a patire sa mancantzia.

L’amus a pensare e serare ancora cun nois.

 

Ultimo aggiornamento Domenica 27 Maggio 2018 12:49
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):