di Stefano Demelas

Sa vid’umana est’unu malessere,

cando este cundid’a mandronia.

Su giovanu, pienu ‘e fantasia,

a befare su etzu dêt resessere.

Sonnios vanos si ponet a tessere,

cunvintu de restar’in giovania.

No’ pessat ch’este su chi deo fia

e cras su chi so’ como hat a essere.

Sos annos passan pro tota sa zente,

ma su pitzinnu, allegru che puddu,

a sa etzesa est indiferente.

Da chi de ozu est sicu su neuddu,

de conca e de fortzas iscadente,

tand’hat a narrer: “So’ etzu cadruddu”.

E i sos bisos torran’a sa mente,

nende: “No’ hap’a esser pius cuddu!”.