Invia una email a famigliapatatu@gmail.com per farci sapere un tuo parere sul nostro sito

di Stefano Demelas

Cun immensu dolor’amigos mios,

lasso sa terra che d’ogni mortale.

Ma s’amore fraternu siat tale

de istimare a totu essende ‘ios.

E cantu duro cun forzas e brios

dademi de afetu unu signale.

Faghide festa che pasch’e Nadale,

a da chi do sos ultimos adios.

Divertide; lassade su presolzu

de su lutu, c’a boltas no est giaru.

Su tempus batit totu a torradolzu.

Totu finit, no b’hat ater’imbaru

che brincare s’eternu giumpadolzu,

ue m’isetan Mamma e Babbu caru.

Tzaramonte, Beranu 2017