l Lions Club Castelsardo ha bandito il concorso annuale per l’assegnazione di una borsa di studio di mille euro a uno studente che ha conseguito la maturità nell’anno scolastico 2020/21 e si è iscritto all’Università per il corrente anno accademico 2021/22.

di Bainzu Truddaju

“A benides, coma’, a samunare

a sas candidas abbas de su riu?

B’accurziat compare Rosoliu

cun su fusile a pala e cartuccera

e tra canes de cazza e tanta fera

tener unu segretu ‘e m’isvelare!”.

- Non bi ‘enzo, coma’! A-i cuss’ora

andare devo a s’abba ‘e sa funtana,

ca rodiende in Badde Soliana

b’est compare Giuseppe: it’allegria!

Cando passo mi faghet cumpagnia

e si hat baga[1] mi ‘asat ancora! -.

“Ite dêt esser cussa segretesa

chi tenet de mi narrer? Iscommitto

chi che so’ da-e subra: tardu o chito

hat de mi narrer chi m’hat in su coro!

Ah, deo puru l’istimo e l’adoro,

ca troppu ammajat sa sua bellesa!”.

- E compare Giuseppe no est gai?

Bos attirat che una calamida!

Finas in lettu corcada e dormida

mi lu ‘ido in su sonnu rie rie

cun ojos mannos fissendesi a mie,

nendemi: ‘Prenda ‘e non lassare mai!’ –

“E tando, comare’, andade puru

a lear’abba da-e sa funtana.

Si rodiende in Badde Soliana

incontrades su ‘ostru compareddu,

dendeli de amore unu faeddu

in prommissas faghidelu siguru!”

- E bois puru tuccade a su riu

ue calcunu bos est isettende,

e samunade in sas abbas currende

unu muncaloreddu profumadu,

a litteras de oro ricramadu,

de su ‘ostru compare Rosoliu…-

Cfr. BAINZU TRUDDAJU, Rosas e ispinas de Baldedu, ed. Ivo Mlis, Cagliari 1982, pagg. 55-56