Home » Limba Sarda » Truddaju Bainzu » Isposonzu de fadas

Immagini del paese

Ch campanile.JPG

Statistiche

Tot. visite contenuti : 9447691

Notizie del giorno

 
Isposonzu de fadas PDF Stampa E-mail
Valutazione attuale: / 3
ScarsoOttimo 
Mercoledì 28 Ottobre 2020 20:51

di Bainzu Truddaju


 

I

n custas nottes passadas,

a mesanotte prezisa,

una fada s’est dezisa

de cherrer s’innamoradu,

e in s’ora han cumbinadu

un’isposonzu ‘e fadas.

 

Cussas tanas o domittas

fin pienas de zentoria:

fin sas fadas in baldoria,

minoredduzzas ciarrende;

e bi nd’haiat pasende

in cadreas e banchittas.


Fin a las bider ballende

zertas fadas minoreddas:

giughiana tres bunneddas

bene presas a istrinu,

duas pijadas in chintu

e-i s’atera pendende.


Da-e mesu sos fundaghes

de su mare, cantilenas

preparein sas sirenas

pro cantones e pro riere

e bi fin passende a biere

sas ninfas de sos nuraghes.


Ite bella festizzola!

Da-e chelu sas istellas

mandaian lughes bellas

pro candore a sa foresta.

E ancora posta ‘e festa

fit sa luna cun s’arzola.


Isteini fin’a s’una

in baldoria e mattanas

ninfas, sirenas e gianas[1]

incantende terra e chelu,

finas chi poi unu ‘elu

s’est postu subra sa luna.

 


Cfr. BAINZU TRUDDAJU, Rosas e ispinas de Baldedu, Ivo Melis Editore, Cagliari 1992, pagg.86-87.



[1] Gianas o fadas est sa mantessi cosa.

Ultimo aggiornamento Mercoledì 28 Ottobre 2020 20:58
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):