E' possibile esprimere un voto sul gradimento degli articoli da noi proposti. Ti invitiamo ad esprimere un tuo giudizio e vedere i giudizi degli altri lettori.

di Stefano Demelas

uzoneddos de s’aera,

cantadenos s’allegria;

pro sa trista zente mia

torret sa paghe sinzera.

Cudda paghe suspirada

regnet como fitiana

che-i s’abba ‘e sa funtana

saborida e preziada.

In canta tristura ch’hada

godimentu che cheria,

tot’amore e poesia

siat s’andera terrena.

Pro segare ogni cadena

tratten’ebbia s’amore;

pro cumbatter su terrore

anden cun rosas in manu.

S’aurora ‘e su manzanu

trunchet sas malas bideas,

pro sanare sas peleas

impittemus sa rejone.

Ogni allegra cantone

siat estru ‘e fantasia;

puzoneddos de s’aera

cantadenos s’allegria.

Cfr. A cura di Azzurra Solinas e Roberta Demelas, Poesie de Istevene Demelas, ed. Grafiche EsseGi, Perfugas 2012, pag. 70