l Lions Club Castelsardo ha bandito il concorso annuale per l’assegnazione di una borsa di studio di mille euro a uno studente che ha conseguito la maturità nell’anno scolastico 2020/21 e si è iscritto all’Università per il corrente anno accademico 2021/22.

di Bainzu Truddaju

Mama mi toccaiat in su bulzu

cun boghe imperiosa nende a mie:

“Bessimi da-e nanti, gioga e rie

chi frebba non nde tenes una riga,

o anda a visitare, a moda antiga,

parentes e amigos de acculzu!”.

Deo partio a brincos e a giogu

in s’unda ‘e su beneficu recreu;

su sero recuiat babbu meu

istraccu da-e tantu tribulare

e poi sezziamus a chenare

in s’antiga pinnetta a lughe ‘e fogu.

Tando fin tempos de prommissas veras,

su mundu mi pariat totu rosas;

non nde ‘idia penas fastizosas,

ne problemas de ‘inaris pro sa vida:

totu fit un’iscena fiorida

da-e sas frascas fin’a sas aèras!

Ite tempus pacificu su meu!

In cuddas temporadas de su nie

giogaimus a boccias totta die

cun sos cumpagnos mios e fedales,

isfidende sas iras de sos males

chi cun su nie mandaiat Deu.

E da chi sa fiocca passaiat,

fin rizolos de abba sas carreras;

cuguddadas e feas sas aèras

noa minettaian temporada,

e da chi sa tempesta fit passada

in su chelu su sole riaiat.

Como han finidu sas carreras bellas,

sos mios giogulanos pensamentos

sun isparidos cun nies e bentos,

comente unu sonnu ‘e criadura:

mama non ch’est pro mi rendere cura,

ne conto pius in chelu sas istellas.

Cfr. BAINZU TRUDDAJU, Rosas e ispinas de Baldedu, Ivo Melis editore, Cagliari 1992, pagg. 98-99.