Home » Limba Sarda » Demelas Stefano » Muidas de riu

Immagini del paese

chiaramonti 1963.JPG

Statistiche

Tot. visite contenuti : 9613058

Notizie del giorno

 
Muidas de riu PDF Stampa E-mail
Valutazione attuale: / 4
ScarsoOttimo 
Mercoledì 24 Febbraio 2021 11:17

di Stefano Demelas

S

os rios aundados in piena

che trazan frasca e ludu fin’a mare;

zessan s’andera, torran’a pasare

e luzigan sa pedra e-i sa rena.

 

Cando brincan sos pontes, camineras

b’had’allagadas peri sos trainos,

istradigheddas, tuvos, turighinos

serrende a sa pessone sas anderas.


Est da-e altu mannu su regalu

e cando paret troppu non cherimus!

Ma tantu in conca nostra già l’ischimus

ne tempus bonu durat e ne malu.


S’umididate allegrat sa campagna

chi cossolat  piantas e fiores;

e no sunu pius mannos sos dolores

s’idimus insistente sa siccagna?


Sos dannos causados sun fastizos

chi solu oe abistos connoschimus,

pruite pro su cale non faghimus

a su postu ‘e unu pius fizos?


No dende a sa natura su contrariu,

in sa domo ducados, doverosos;

non fizos solos, totu maniosos

chi han piusu de su nezessariu.


Totu cherimus su caminu paris,

arrabiados, con paga passenzia;

ponzende fattu a d’ogni esigenzia,

in domo non bi restat ses dinaris.


Custu bi cheret e-i s’ateru puru,

sa domo paret nuda ed est piena;

ca mancari hat bidu in dom’anzena

unu quadru in pius in su muru.


Cand’abelzo sa janna, in sa carrela

totu su ch’ido non paret aberu:

si mi saludan a coro sinzeru,

b’hat de azzender lestr’una candela.


Totu su malu faghere in su mundu

est’in aumentu e deo m’addoloro,

ca chie tenet in cascia unu coro

proat dolore su pius profundu.


De su riu che giampo a-i cudd’ala,

lassende a palas custu mundi vile;

ca passend’in su propriu jannile

no semus, ma parimus a sa mala.


S’abba bella chi passat in sos rios

che la ‘ido trazende cosas feas:

sun’ingannos, tristuras e peleas,

lontanas sian da-e fizos mios.

 


Cfr. Poesias de Istevene Demelas, ed. EsseGi, Perfugas 2012, pagg. 60-62.


Ultimo aggiornamento Giovedì 25 Febbraio 2021 13:24
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):