Sa mama, sa figura pius rara,

de totu sas immagines rejina,

una in terra e una divina,

sa lughe pius bella e pius giara.

Oh! Mama cara, un’ora no passat

chi no m’ammento cando fis’in vida.

Da-e cand’a su chelu ses partida,

sa tristura in paghe no mi lassat.

E deo resto inoghe cun affannu,

cun tota s’isperanzia ‘e Deu.

Mancadu est s’amadu afficu meu

ch’in di’e oe hat cumpridu un’annu.

Che un’anzone chi torrat a s’ama,

umile torro a sa mia dimora.

Da chi lasso su mundu pesso ancora

de che torrare in brazzos de mama.

Cfr. Poesias de Istevene Demelas, a cura di Azzurra Solinas e Roberta Demelas, ed. Grafiche EsseGi, Perfugas 2012, pag. 9.