Invia una email a famigliapatatu@gmail.com per farci sapere un tuo parere sul nostro sito

Sa cuntentesa chi oe apo proadu

in s’ànima mi restat inserrada;

cummòvidu e cuntentu so restadu,

pro sa gioja ch’a nois est tocada.

A sa gianna ‘e sa vida asa tzocadu,

Carla Patatu, e dadu as s’acerada!

Cun colores de rosa profumada,

as s’aera atunzina respiradu.

Tue ses bella, ermosa e dechìda,

chi mi pares sa dea de sa bellesa,

ca in su mantessi mare ses naschìda.

Babbu e mama ti gosen a betzesa,

a giajos tuos lis pienes sa vida,

cun  atos de onestade e nobilesa.

Tore Patatu, tiu mannu