Home » Limba Sarda » Brozzu Renzo » Renzo Brozzu: In brazzos de su 'entu

Immagini del paese

Ch neve 2005 23.JPG

Statistiche

Tot. visite contenuti : 11322221

Notizie del giorno

 
Renzo Brozzu: In brazzos de su 'entu PDF Stampa E-mail
Lunedì 31 Dicembre 2007 22:00

Questa poesia è stata scritta in ricordo di Giovanni Patatu, scomparso d'improvviso, non ancora ventitreenne, la notte fra il 3 e il 4 Maggio 1995. L'autore l'ha dedicata a Carlo e Tonina, genitori di Giovanni, che gli sono sempre grati.


Est passende su tempus, su corruttu
est a su drommi-ischida, in ausentu!
Dae cando in sas alas cuddu ‘entu,
"fiore ‘e su ‘eranu" ti ch’hat giutu.

Bentu frittu ch’istudat sas fiamas
cun sa frullana zega de sa morte,
trunchendedi sa vida, oh malasorte!,
happende ancora su latt’in sas laras.

Passat su tempus e-i sa tristùra,
chi fit arrempellada in domo tua,
oe paret fuende a totta fua
da-e timidos risitos de lugùra.

In cussos muros, Vladi, babbu e mama,
sun’isgranende su tempus cun tegus,
chenza mai si ‘oltare a issegus,
filendesi sa vida trama-trama.

Mama, cun lagrimeddas cua-cua,
su ‘elu tristu chi si giughet fattu,
a bustare e a chena, su piattu
ponet de fronte a sa cadrea tua.

A boltas, pro cuaresi sas penas,
chi paren chi lu fettan a dispettu,
disfaghet e faghet torra su lettu
ue ogni notte, tue, t’ingalenas.

Babbu, cando s’ischidat su manzanu,
hat pro te pronta sa prima mirada,
invitendedi a un’ispassizada:
- Ajò, andamus e dami sa manu!

Ajò, Giuà, faghemi cumpagnia
a brujare sucuttos e affannos
finas chi sa candela ‘e sos chent’annos
si frazet che-i sa ‘ezzesa mia.

E peristantu, cun su pensamentu,
faghemi isvanessìre su piantu
ninnendemi in su banzigu ‘e s’incantu
cando lezeru si pesat su ‘entu.

 

Zaramonte, sa die 31 'e Nadale 1997

Ultimo aggiornamento Mercoledì 07 Gennaio 2009 14:18
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):