Home » Limba Sarda » Seu Giuanne » Giuanne Seu: Risposta a Mario Masala e Antoni Piredda

Immagini del paese

Chiesa Cunventu 8.JPG

Statistiche

Tot. visite contenuti : 5168115

Notizie del giorno

 
Giuanne Seu: Risposta a Mario Masala e Antoni Piredda PDF Stampa E-mail
Lunedì 28 Gennaio 2008 18:47

de Sevadore Patatu

Fit cantende cun Antoni Piredda e Mario Masala in Thiesi e custos duos leaian in giru a Giuanne Seu chi Zaramonte fit una 'idda de pagu preju, ue b'aiat solu pastoratzos ignorantes, chi no ischian andare mancu a caddu, ca fin abetuados a andare a caddu a s'àinu. Non bi coltivaian nudda e bi produian solu casu fràzigu. E, sigomente sos zaramontesos no ischian andare a caddu, l'ana nadu: "...ista attentu chi istanotte ti ndi 'ettamus da-e caddu".

Antoni Piredda fit de Thiesi e Mario Masala, giòvanu e "rude" poeta ribelle fit de Silanos.
Giuanne Seu lis at rispostu:

In Zaramonte b'at pàsculos sanos,
binzas e buscos e bonos terrinos;
b'at caddos bonos cun bonos fantinos
chi sa briglia leare ischin in manos.
Non bi nde curret caddos tiesinos
e ne puddedros rudes de Silanos;
ca pro caddos che Masala e Piredda
non b'est su tantu 'e lis ponner sa sedda.

La foto:

Giuanne Seu sul palco, durante una gara poetica

Ultimo aggiornamento Sabato 07 Settembre 2013 11:19
 
Commenti (1)
Tiu Giuanne Seu in Sant'Anna Arresi
1 Sabato 07 Settembre 2013 11:08
Tore Patatu

Una die tiu Giuanne Seu est andadu a cantare a Sant’Anna Arresi, acurtzu a Sant'Antiogu e a Giba, de fronte a s'Africa e, de comente est arrividu, in trenu o in pulma, si l’est presentada custa bidda campidanesa a infora de su tempus. Unu caldu ch’ispistiddaiat sa roca, chi non b’aiat pòtidu arresetare mancu sa colora. Sunt bènnidos sos oberajos a lu leare e, mirèndelis s'aerzu, in caminu mantessi at pessadu custa otava:


Sant’Anna Arresi est trista una dimora


E paret chi passadu ch’est su fogu;


abitada dae zente patidora,


cari minuda e de colore grogu.


Chie s’inferru non l’at bidu ancora


Lu podet agatare in custu logu;


at a esser malu su chi at fatu Deus,


ma custu paret milli boltas peus.

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):