Ammentos de tempus passadu Stampa
Valutazione attuale: / 6
ScarsoOttimo 
Sabato 04 Febbraio 2017 21:13

de Istevene Demelas


Cando serena falat sa fiocca,

in sos primos tres meses de s’annada,

in nottes d’entu e de temporada,

sos sonazzos s’intenden zocca zocca.


Su teraccheddu si alzat sa brocca

de abba frisca e dad’intasada.

Pensat: “Est notte ‘e craba inconcheddada”

E s’afffianzat coment’e una jocca.


Fin populados fina sos barraccos;

como de cussa zente pius non ch’hada

de abitare in cussas dimoras.


Non b’hat pius padronos ne teraccos

In sa campagna nuda e desolada,

regnu ‘e ziligugos e coloras.

 

Poesias de Istevene Demalas, ed. Grafiche EsseGi s.r.l., Perfugas 2012, pag. 22

Ultimo aggiornamento Sabato 04 Febbraio 2017 21:19