Su tempus no’ si frimmat Stampa
Valutazione attuale: / 6
ScarsoOttimo 
Martedì 15 Ottobre 2019 16:11

di Stefano Demelas


Sa vid’umana est’unu malessere,

cando este cundid’a mandronia.

Su giovanu, pienu ‘e fantasia,

a befare su etzu dêt resessere.


Sonnios vanos si ponet a tessere,

cunvintu de restar’in giovania.

No’ pessat ch’este su chi deo fia

e cras su chi so’ como hat a essere.


Sos annos passan pro tota sa zente,

ma su pitzinnu, allegru che puddu,

a sa etzesa est indiferente.


Da chi de ozu est sicu su neuddu,

de conca e de fortzas iscadente,

tand’hat a narrer: “So’ etzu cadruddu”.


E i sos bisos torran’a sa mente,

nende: “No’ hap’a esser pius cuddu!”.


 

Ultimo aggiornamento Martedì 15 Ottobre 2019 16:16