Benvenuto nel nostro sito, che si propone di fornire una finestra sul presente ed il passato del nostro paese. Ci auguriamo che le informazioni da noi fornite possano essere di tuo interesse.

Finas si no t'intendo faeddare
ses sa lugh'in s'oscura caminera.
Cudda mirada in sos chizos severa
su coro in petus faghiat ballare,

cun s'iscopu prezisu 'e m'imparare
a faeddare cun boghe sinzera.
Pessone sabia, abista e fiera
fìsti pro me; sa terra, chelu e mare,

su sole e i sa luna; siguresa
mi daias dogn'ora, die e chida
ammirende 'e su mundu sa bellesa,

cosa ch'in coro hapo costoida
chi creschende pius l'hapo cumpresa.
Oh babbu caru: «ti devo sa vida»!

Cfr.: Poesias de Istevene Demelas, 2012, pag. 6