Home » Limba Sarda » Truddaju Bainzu » Bainzu Truddaju: Tres comares

Immagini del paese

Immagine 012.jpg

Statistiche

Tot. visite contenuti : 4931127

Notizie del giorno

 
Bainzu Truddaju: Tres comares PDF Stampa E-mail
Valutazione attuale: / 5
ScarsoOttimo 
Mercoledì 06 Febbraio 2013 13:06

«A benides, coma’, a samunare

a sas candidas abbas de su riu?

B'accurziat compare Rosoliu

cun su fusile a pala e cartuccera

e tra canes de cazza e tanta fera

tenet unu segretu 'e m'isvelare!».

 

«Non bi 'enzo, coma’! A-i cust'ora

andare devo a s'abba 'e sa funtana,

ca rodiende in Badde Soliana

b'est compare Giuseppe: it'allegria!

Cando passo mi faghet cumpagnia

e si hat baga mi 'asat ancora!».[1] (1)

 

«Ite det esser cussa segretesa

chi tenet de mi narrer? Iscummitto

chi che so' da-e subra: tardu o chito

hat de mi narrer chi m'hat in su coro!

Ah, deo puru l'istimo e adoro,

ca troppu ammajat sa sua bellesa!».

 

«E compare Giuseppe no est gai?

Bos attirat che una calamida!

Finas in lettu corcada e dormida

mi lu 'ido in su sonnu rie rie

cun ojos mannos fissendesi a mie,

nendemi: "Prenda 'e non lassare mai!"».

 

«E tando, comare’, andade puru

a lear'abba da-e sa funtana.

Si rodiende in Badde Soliana

incontrades su 'ostru compareddu,

dendeli de amore unu faeddu

in prommissas faghidelu siguru!».

 

«E bois puru tuccade a su riu

ue calcunu bos est isettende,

e samunade in sas abbas currende

unu muncaloreddu profumadu,

a litteras de oro ricramadu,

de su 'ostru compare Rosoliu...».

 

Cfr.: BAINBZU TRUDDAJU, Rosas e ispinas de Baldedu, Ivo Melis editore, Cagliari 1992, pagg. 55-56.



[1] Baga: iscampiu, a cua, bastat de non lu 'ider nisciunu.

La foto (n. 265, pag. 339) è tratta dal volume "La fotografia in Sardegna - Lo sguardo esterno, gli anni del dopoguerra", ed. ILSSO per Banco di Sardegna - Fondazione Banco di Sardegna, 2009.

 

Ultimo aggiornamento Mercoledì 06 Febbraio 2013 13:19
 

Aggiungi un commento

Il tuo nome:
Indirizzo email:
Titolo:
Commento (è consentito l'uso di codice HTML):