A fine Febbraio chiuderemo definitivamente il sondaggio sul nuovo anno. Ma chiameremo i nostri lettori a esprimersi su un altro quesito, che proporremo a decorrere dal 1. Marzo prossimo.

de Bainzu Truddaju

Sun cantende sos puzones

fattende ballu in s'aèra

e che fadas in passera

sunu bellas sas cantones.

Sa chilandra in altu in altu

cantat e ballat ancora

como chi s'ierru est fora,

chi fiores hat ispaltu

e profumadu su saltu

in baddes e bidattones.

Mannos nostros sos narvones

in beranu innettaian

e «Ajozi!», naraian,

«Sun cantende sos puzones!».

Mì sa turture annidada,

sa pira già cun su fruttu,

s'abe puru est a murmuttu

suzzende linfa dorada:

de pastura garrigada

recuit da-e paschera,

mele saboridu e chera

preparat in sas domittas;

e s’iden milli alittas

fattende ballu in s'aèra.

Ma no alittas ebbìa

muizan e faghen festa:

sos chercos de sa foresta

cun sa chessa e cun s'olia,

de tramula han fattu cria,

bella, bundante e lezera.

Sos catteddos fattu a fera

giannittan a totu briu

e traessan badde e riu,

sun che fadas in passera!

A ruscidas e a giogu,

puddedros a pompa fatta

brincan da-e matta in matta

inghiriende su logu.

Sos traos minattan fogu

iscorrazzende in chessones

e borridan che leones

ischidende su manzanu:

sun innos de su 'eranu

e sun bellas sas cantones!

Cfr. BAINZU TRUDDAJU, Rosas e ispinas de Baldedu, Ivo Medlis Editore, Cagliari 1992, pagg. 79-80

Cogliamo l'occasione per porgere ai lettori gli auguri di buona Pasqua. (c.p.)