l Lions Club Castelsardo ha bandito il concorso annuale per l’assegnazione di una borsa di studio di mille euro a uno studente che ha conseguito la maturità nell’anno scolastico 2020/21 e si è iscritto all’Università per il corrente anno accademico 2021/22.

Abbattigados che los hana a fundu,

totu cuddos umiles mestieris,

chi pane nos hat dadu fin'a deris;

'oe tot'un'imboligu est su mundu.

Pius no s'iden sas manos callosas

de su messaju e-i su frailarzu...

chie zappende e pistende s'attarzu,

cun bideas pulidas, decorosas.

Pius no s'idet su fraigamuru,

fatendesi sa domo a pedra e ludu.

E da-i sos amigos cudd'aggiudu

pediat, ma lu torraiat puru.

Pius no s'idet cuddu calzeraju,

chi faghiat sas bottes de facchetta.

Ne-i su pastoreddu in sa pinneta,

bezzu de chiza, chi pariat giaju.

Pius no s'idet cudda tessidora,

cun su telarzu fatende tappetos,

arazzos bellos, disegnos perfetos,

fressadas caldas. E-i sa coghidora,

suighende su pane cummassadu

subra sa mesa, poi in canistreddu,

saboridu, chivalzu e poddineddu

e cottu in su furru indeoradu.

Pius no s'idet su carrasegare,

fattu in sas pinnetas divertende.

Chi s'andaiat a brincos ballende,

bezzos, pizzinnos, fìn totu cheppare.

Pius no s'idet s'innozente jogu,

ideadu da-e sa criadura,

fattu a sos ruos aggogliende mura,

pirastru chelvu, fattu a d'ogni logu.

Pius no s'iden cuddos berritones,

sezidos in carrela incapottados,

passende s'ora, nalzende contados,

poesias, istorias e cantones.

Misteriosos, cun pagas peraulas,

ma s'argumentu lu tenian prontu.

Fit bellu e bene nadu 'ogni contu

fìnas cando si narain faulas.

Totu sos mestieris sun istorias

chi no si poden ammentare totu.

Ma de su mundu chi hamus connotu,

han'a restare solu sas memorias.

In custu tempus perfìdu e duru,

fatende finta chi tot'andat bene.

In su passadu como no bi crene,

benit ismentigadu cussu puru.

Cfr. Poesias de Istevene Demelas, Perfugas 2012, pagg.24-26