Desideriamo formulare ai nostri lettori tanti auguri di buona Pasqua.

di Istevene Demelas

Mantenide s’amore istrintu forte,

su ch’in s’altare oe hazis giuradu

e-i s’andera terrena in bonu fadu

siat signada da-e bona sorte.

Dapoi ‘e sos chent’annos dura morte

seghet su filu chi bos hat ligadu.

Ogni fizu chi hazis allevadu

cun tant’orgogliu bos fatat sa corte.

Ismentigade terrenos trobojos,

sa rejone leade a manu tenta

pro superare sas difficultades.

Miradebos in cara e-i sos ojos

fatan de santa paghe isterrimenta

in su reposu chi bos meritades.

Cfr. Poesias de Istevene Demelas, Grafiche EsseGi srl, Perfugas 2012, pag.32